德美壽司 (德民街)

营业中

休息中

原来黄埔德美寿司，除咗刺身之外，都仲有好多嘢食。玉子，系必食嘅，卖相好靓，口感好实净嘅，一口一旧，刚刚好。三文鱼沙律，味道都唔错，配埋蕃茄食，好Fresh。牛油果软壳蟹寿司，好味。唔需要加豉油，牛油果嘅质地，配埋软壳蟹嘅脆口，食落唔会太油腻，牛油果都几大块，包咗半旧寿司。喜欢食牛油果嘅我，食得好满足。烧银雪鱼，比我预期中好食，烧得好入味，银雪鱼肉质好滑，配埋沙律酱一齐食，好match。配菜嘅薯蓉都不错。烧豆腐，虽然得四旧，但都几大旧，外皮煎到黄金色，但里面嘅豆腐仲保持到好滑。配埋酱汁都唔错。炸鸡软骨，ok啦，同出面嘅炸鸡软骨差唔多。另外仲食咗海鲜炒乌冬，卖相一般，所以冇影相，但食落，我觉得海鲜炒乌冬都最好味。乌冬好有咬口，感觉似稻庭乌冬。同埋炒得好入味。海鲜都好足料。下次再食，一定要补影返相。