寿司造 (莊士敦道) (已結業)

最近疫情严重，都唔敢周围去，但咁为食嘅我就周围揾啲高质嘅美食外卖，我最钟意就系食日本嘢，喺湾仔见到一间寿司点嘅外卖铺头，俾佢嘅门面吸引咗，佢嘅装修有日本嘅风格，简约美。入到去铺头见到有林林总总嘅寿司🍣，睇到我眼花撩乱。😻😻啲店员同我哋讲刺身系由日本鱼市场运到黎香港，师傅就会按照时令拣选当造既鱼，听落好高质！最近湾仔呢一间分店有三款限定嘅鲜鱼熟成寿司，佢系有日本丰州直接运送到香港，分别有蓝鳍吞拿鱼、岛池鱼、𫚕鱼。熟成嘅寿司系可以令到鱼肉更加向后同埋嫩滑。👏🏻👏🏻🎏咁我当然一定要试吓啲期间限定啦，我拣咗一款：柚子渔师三味卷，佢有四件，颜色几鲜艳夺目，系三款时令鱼制作而成，以佢嘅外层就用米纸包住，几有新意，如果用紫菜包住嘅话外卖就会好容易变软，用米纸嘅话就可以健康又唔会有变质嘅问题，柚子可以去除油腻感，提升鱼嘅鲜味。☺️🍣另外我仲叫咗特选寿司12件同埋杂锦寿司10件，特选寿司就有我钟意食嘅海胆、吞拿鱼、油甘鱼、帆立贝等等，选择种类非常多！鲜味十足🥰🥰杂锦寿司方便我就拣多咗一啲熟嘅寿司，咁就咩口味都可以食晒啦！价钱非常抵，用呢一个价钱食到呢个质素嘅寿司相当唔错啊！