老樹旗艦店 (已結業)

每逢夏天，大家会谂起咩生果？西瓜？荔枝？龙眼？小妹就会谂起榴梿！金枕头、猫山王、青尼、干腰... ...每一种都令人食指大动。日前小妹发现位于佐敦嘅「老树旗舰店」，唔单止有猫山王榴梿卖，仲有好多榴梿副产品，合晒我「何车」！尤其是猫山王芝士挞（＄２５），香浓芝士配上新鲜榴梿肉，啖啖都系芝士同榴梿嘅香甜滋味，双方居然唔抢对方风头，配合得天衣无缝！店内各款卷蛋（＄２２—＄２５）都用上北海道3.7牛乳同福冈鸡蛋制造，除咗绿茶、焙茶同栗子口味外，其余咖啡、紫薯同原味都有猫山王榴梿肉，细细件就充满榴梿香，蛋糕软棉，忌廉细滑，小妹周不时都会打包几件返屋企品尝！店内仲有各式榴梿甜品同雪糕，相信系榴梿爱好者嘅基地！