甜姨姨 (耀華街)

营业中

休息中

行行下街觉得太热顶唔顺想食下冰解热，于是误打误撞就入咗嚟呢间。果然系夏天，个场好爆，我哋之后入嘅人都要排队。眼见佢啲位都有啲迫，但我哋拣咗坐窗边位就唔使同人迫。我哋叫左个杨枝甘露冰，佢分别俾左大同细嘅匙羹俾我哋，枱面有张纸教先用细再用大，我哋开头都唔明点解，之后食落就知。个冰最顶有一块芒果肉同啲椰浆，佢有另外跟一小杯芒果酱，话唔够味再落，咁我哋想食重啲芒果味，同埋佢个冰本身个芒果味唔系太出，咁都有落晒，但可惜佢嘅芒果味系啲好假嘅人工芒果糖浆味。佢个冰啲冰粒偏大，唔系个种绵绵嘅口感，都要含一段时间先完全溶化，啱啲钟意咬冰嘅朋友，但我个人黎讲就麻麻。食到差唔多到底，佢有啲西米露同碌柚果肉，真系杨枝甘露有嘅配料，呢个都有啲惊喜嘅，但有啲太迟出现啰。上面咪讲到佢有分大细匙羹，其实佢就系俾你食到最后好似食糖水咁，大啖大啖咁食。呢度食完之后要自己将个餐盘放去餐盘回收处，大家就要注意，记住有啲公德心帮吓手啦。