影片
更多
2017-08-05
2826 浏览
睇过N咁多个人介绍呢间餐厅推出嘅tea set，由摩天轮、樱花到早前嘅薰衣草主题，一直都觉得非常吸引，估唔到未试到下午茶，先试晚餐，并且觉得挺有水准，性价比高，相信会回访。餐厅位于珀荟酒店，唔系睇人介绍真系唔知，位置唔多，装潢冇乜特别，一般西餐厅格局，胜在位处19楼，加上落地玻璃窗，客人可以望住靓景用餐。喜欢坐户外嘅客人亦可以喺天台用餐、饮野，环境舒适，如果天气凉啲会系一个很好嘅选择。餐牌会按季节时令食材转换，今次试嘅系佢地上个月开始推出嘅【夏日鲜果荟】套餐，一共五道菜，喺西餐中加入水果，听起上黎并非不可行，但起初以为都会有点勉强，点知食落颇有惊喜，配搭得宜夏日鲜果荟晚餐 $388/位套餐包头盘、餐汤2选1、虾肉墨汁意粉配木瓜蓉、主菜5选1、甜品3选1，于op预先订位置，晚市套餐定单点餐单，都有75折，真系抵食鲍鱼牛油果柚子热情果沙律：杂菜沙律中加左南非网鲍片、蕃茄仔、甘柚、牛油果，新鲜丰富，面头嘅热情果沙律汁酸酸甜甜，十分开胃。椰子红枣清汤：餐汤可选椰子红枣清汤 / 青苹果西芹忌廉汤，作为中汤怪，兼平日缺乏汤水，当然毫不犹豫拣前者，食西餐饮到中式汤水好感动。用上椰子肉、红枣、杞子、猪
餐牌会按季节时令食材转换，今次试嘅系佢地上个月开始推出嘅【夏日鲜果荟】套餐，一共五道菜，喺西餐中加入水果，听起上黎并非不可行，但起初以为都会有点勉强，点知食落颇有惊喜，配搭得宜
夏日鲜果荟晚餐 $388/位
套餐包头盘、餐汤2选1、虾肉墨汁意粉配木瓜蓉、主菜5选1、甜品3选1，于op预先订位置，晚市套餐定单点餐单，都有75折，真系抵食
鲍鱼牛油果柚子热情果沙律：杂菜沙律中加左南非网鲍片、蕃茄仔、甘柚、牛油果，新鲜丰富，面头嘅热情果沙律汁酸酸甜甜，十分开胃。
鲍鱼牛油果柚子热情果沙律
37 浏览
0 赞好
0 留言
椰子红枣清汤：餐汤可选椰子红枣清汤 / 青苹果西芹忌廉汤，作为中汤怪，兼平日缺乏汤水，当然毫不犹豫拣前者，食西餐饮到中式汤水好感动。用上椰子肉、红枣、杞子、猪膝等材料熬成汤，清得黎滋润感重，女士饮一流
椰子红枣清汤
24 浏览
0 赞好
0 留言
餐包：里面有烘多士、面包球、竹炭包，加上黑松露牛油，我地轻松食哂。
餐包
30 浏览
0 赞好
0 留言
餐包
141 浏览
0 赞好
0 留言
餐包
27 浏览
0 赞好
0 留言
虾肉墨汁意粉配木瓜蓉：份量唔多，每人一驻仔，面头嘅虾肉经白酒爆香，细细粒够爽口。最有诚意系墨汁意粉，出街食一般都系用墨鱼汁捞落意粉变成乌卒卒，但呢度嘅意粉系现成墨汁意粉，唔会食到个咀黑妈妈兼屙黑色便便。而且做法新鲜，撇开一般嘅白酒煮、忌廉煮等，用上泰国木瓜蓉，食落甜甜地，俾多几碟我都食得哂
虾肉墨汁意粉配木瓜蓉
31 浏览
0 赞好
0 留言
主菜有五款，主要食材系猪架、鸭胸、三文鱼柳带子、羊架、安格斯牛柳，配合鲜果荟主题，各自配上不同酱汁，例西梅汁、蜜桃砵酒汁、番石榴蓉等，非常特别，摆盘精美
煎三文鱼柳及带子配番石榴蓉：厚切三文鱼皮煎至香脆，食落唔干唔腥，轻轻用黑椒调味，已经好食到爆。带子虽然系薄片，但烤到刚熟，新鲜爽口。伴有用藜麦、芝士制成嘅意大利饭饼，煎到香脆好似一块薄身薯饼，搭配番石榴蓉、柚子汁，清新不腻。
煎三文鱼柳及带子配番石榴蓉
39 浏览
0 赞好
0 留言
澳洲安格斯牛柳配焦糖菠萝 (+$58)：安格斯牛柳要补钱先食得，牛肉控不能错过。牛柳先经慢煮后烧，外皮香口唔浓，肉质呈嫩红色，有光泽，食落柔软冇筋，简单配以烧汁突显肉味。垫底系厚身焦糖菠萝，鲜甜带牛油香，令人欲罢不能。最后连烤芦笋我都一口清，好食、抵食。
澳洲安格斯牛柳配焦糖菠萝
39 浏览
0 赞好
0 留言
澳洲安格斯牛柳配焦糖菠萝
27 浏览
0 赞好
0 留言
香橙朱古力慕丝蛋糕配香橙雪芭：甜品3选1，都系以果味为主嘅crumble、慕丝蛋糕、芝士蛋糕。
估唔到连香橙朱古力慕丝蛋糕质素都唔错，慕丝顺滑半溶状，朱古力味香浓，蛋糕松软，加上雪芭，作为全晚总结，十分满足
香橙朱古力慕丝蛋糕配香橙雪芭
36 浏览
0 赞好
0 留言
香橙朱古力慕丝蛋糕配香橙雪芭
34 浏览
0 赞好
0 留言
3 Citrus iced tea $78、Venetian sunset $78：相对食物嘅出色，饮品显得冇乜特别啦，呢两杯酸酸甜甜，清新解腻。
呢段时间天气太热，但我地都上左天台望望，环境真系唔错，如果天色清，个view系几好
食物水准基本上由头至尾都系赞，虽然话系精品酒店规模，服务员一律专业有礼我地就食得好开心，有兴趣可以预先订位，反正有折。
张贴
