農場

营业中

休息中

疫情关系，多咗买外卖，一连两日试咗三间唔同嘅餐厅，农场最令我失望。即使食物种类唔一样，但系制作食物嘅用心程度系可以睇得出黎嘅。DeliveryXXX外卖餐单中有个hot字的一客焗猪扒饭，落order试试，打开餐盒直入眼帘系萤光橙色令人心知不妙的茄汁，长切条干争争嘅猪扒，所谓嘅炒饭底系蒸白饭强行加几粒蛋花。饮食业，摆入口𠮶一刻已经分胜负，单价加运费加服务费要$74 ，$74食啲咁嘅嘢当然唔值，俾多次机会，上来OpenRice睇外卖自取餐牌原来焗猪饭只系$40 ，真相大白。依个时势本来应该支持小店好好生存。诚心建议，外卖好可能系潜在顾客对餐厅嘅第一印象，希望可以做好啲，因为同样价钱，就算大家X大快X都可以将同一道菜色做得比依间餐厅好。最后一提嘅系，冻咖啡正常可以一饮。