たまご園 (形點 I)

营业中

休息中

估唔到疫情第三波杀埋黎搞到连夜晚堂食都无埋.. 夜晚都无得出没觅食.. 我只好买外卖返屋企.. 今日我拣左买呢间日式蛋物店,因为之前系朗豪坊食过佢既分店， 觉得唔错好好味. 所以今次系元朗就买佢既外卖返屋企,我叫左五款玉子烧，南蛮炸鸡，炖牛肉蛋包饭同埋甜品浓厚朱古力冻.. 我发现外卖同堂食都一样需时, 因为佢地每样野都好认真制作.. 我等外卖都等左大半个钟以上。 但换黎既就系家中同堂食无分别既美食. 我想讲个五款玉子烧做得好好， 返到屋企都食都无话太熟都仲好creamy, 另外个南蛮炸鸡就一贯好食，因为佢有得点佢既自家制他他酱好开胃，个炖牛肉蛋包饭都唔错, d牛肉炖到好似牛腩咁浓郁,最后食埋个甜品朱古力冻! 佢包得好精美，搞到我差d唔舍得食. 个朱古力味道同之前堂食一样入口即溶. 估唔到疫情下都可以系家中有一餐好饭食. 好满足