渣華茶冰廳

营业中

休息中

过开嚟呢边买海南鸡，准备返屋企之前又想食下午茶。平时去开七姊妹道𠮶边嘅，今日就想试吓传闻中好好食嘅沙嗲牛肉面。个沙嗲汁其实做得几好，但个肉亦都好厚亦冇梳打粉嗱个嘅味道。但系好可惜佢个汤本身系常温完全唔热，想捞匀啲沙嗲牛肉汁都捞唔匀，反而好欣赏佢个滑蛋，系刚刚煎好热辣辣。拼埋个沙嗲牛肉面上，极大嘅反差热辣辣嘅滑蛋，常温嘅汤食到咁上下，见到隔离有个伯伯点咗个支竹羊肉饭。见佢好大碟劲多枝竹又多羊肉，就问侍应点叫法。佢话呢个系午餐嚟嘅， $65一碟，夜晚要百几蚊。佢话如果我想嗌就嗌个外卖返屋企食啦。山长水远由港岛区拎返去新界区，本来满心雀跃谂住加𩠌食饭。一打开即刻觉得舐嘢，其实我睇见佢个兜仔已经心知不妙。份量比堂食少三份二，个汁同埋d肉完全冇层次，基本炆羊嘅酱料都食唔出。一个字淡，今次第一次试已伏到不行鸟。都唔知俾唔俾多次机会佢好？