Gustoso Burger (海都大廈) (已結業)

有人介绍公司附近一间burger店，今日趁机过去试吓，铺面细细只做外卖，啱晒附近嘅打工仔。店面只贴出英文餐牌，其实都有中文版本嘅，除了一般嘅猪牛鸡素，仲有海鲜同和牛汉堡可选，最后拣咗三重芝士和牛堡，再加$18转套餐，有三粒香芋地瓜丸同埋饮品。和牛汉堡要等10分钟，行吓街就返嚟取外卖。首先要赞吓佢𠮶三粒地瓜丸，真系好好食，烟烟韧韧咁，里面有啲芋融，值得推介！重点汉堡包都好好食，眼见有两种唔同颜色嘅芝士，溶溶地食落好正！和牛汉堡都非常好食，而且好大件，好香！饮品就拣咗经典珍珠奶茶（珍珠要加$4 ），正常水准，珍珠够烟靭，合我心意！