板長壽司 (黃大仙中心北館) (已結業)

疫情之下食多左外卖，呢段时间大部份餐厅外卖自取都有折，呢间黄大仙板长寿司就岩岩相反，丼饭外卖自取冇折不但止，仲要加一，比钱个阵收银冇提醒，我都系比完钱见咁贵先发现。唔知外卖加一系咪已经好普遍，但就我个人而言，堂食有享用侍应服务嘅，应该加一/比tips，但外卖冇享用侍应服务嘅，就冇需要加一/比tips，最多比返外卖盒钱就合理d。食物方面，味道系ok嘅，但都有可改善嘅地方，例如蟹肉碎有蟹壳，鱼生薄ee，细过零食牛肉干，有d揾笨。价格同质素相比之下，我宁愿去返同一商场嘅和气食堂，起码个人地d鱼生厚切又大大块块，质素又唔差。