California Pizza Kitchen (已結業)

今日去左同学屋企玩，由于大家都唔愿意离开张麻雀台，所以梗系叫外卖食啦，从众多外卖纸中就拣了CPK。叫的时候很复杂，唔知系咪我地张野过左期呢，佢又话D套餐无，跟住又话要SEND d资料去我地email俾我地睇，最后免得麻烦我们都系散叫再加一个套餐算了。佢个套餐系包括有RIBS，烧鸡，粟米，鸡翼，仲有 2 个沙律。我印象中仲有几只炸虾同埋焗薯皮 & 炸芝士条。另外我地仲叫左个MUSHROOM PEPPERONIS PIZZA同一个墨西哥XX意粉。 (唔记得哂D名)不过其实大部野都真系唔系几好食，主要系因为全部都好干，唔知点解，系咪黎既过程太耐呢? 因为我地都等左成个钟以上。 但D野食真系好硬同好干，个RIBS系超干，少少汁都无，而且无咩味，仲整到好㶶添。 个pizza算系ok既，但都系比较干身d，个薯皮硬到似食紧树皮多d，又冻冻地。所以真系唔系几好食。总结就系以后唔会再叫呢间既外卖。