和斗刺身壽司外賣專門店

营业中

休息中

今日去买田湾区另一间寿司刺身外卖店嘅出品, 呢间小店位置都几特别, 午饭时间都见有几多顾客帮衬, 饭类选择亦都较多, 又有即做寿司, 店面整洁, 价钱算系中上。买咗角切杂锦鱼生饭, 个样都算正常, 有寿司姜同腌萝卜, 仲有一大旧wasabi, wasabi 系属于有料到嘅级别, 几劲几上鼻, 我都系捞咗半旧落D 饭度, 已经觉得好够味; 豉油个味唔多得, 死咸, 带唔出刺身嘅鲜味...刺身主要系三文鱼, 鲷鱼, 青瓜同蛋, 其他嘅仲有剑鱼(<5 粒), 吞拿(1 粒), 八瓜鱼(1 粒) 再加一小撮蟹籽同蟹柳... 鲜味系有, 但份量唔算多, 同埋真系全部都似系头头尾尾𠮶D 咁嘅样...饭似系珍珠米沟普通米煮出嚟, 醋味唔算重, 份量算系刚刚好, 大食男士可能会觉得唔够喉, 我食完就好似有D 略有所失嘅感觉... 成个饭好似硬系有D 违和感咁...不过呢间舖似系走高格调路线, 似系想做正宗日本料理格局, 价钱比较进取。