Sueno (已結業)

因为疫症关系多左系屋企食饭，同一时间都多左买外卖，但外卖返到屋企又好易冻左令到食物无咁好味～无意间发现呢间西班牙餐厅出左外卖食物包，咁就当然要试下啦！跟返职员指示，返到屋企只需要将海鲜包落镬煎香，然后装起海鲜。跟住落果包饭再加适量既水翻热，煮到收水，再落返岩岩装起左既海鲜落去，咁就搞掂嫁啦！真系超方便！只系十几分钟就可以系屋企都食到餐厅级水准既西班牙海鲜饭🍽无论系卖相，定系味道都十分诱人～海鲜仍然鲜甜弹牙，特别钟意粒带子同虾🍴（因为个食物包已经系Semi-cooked，所以带子呀虾呀呢类海鲜真系略略煎香就可以啦，太长时间反而会老哂）除左西班牙海鲜饭，都仲有其他菜式有推出呢个外卖食物包，下次要试埋其他菜式先得～ （比起外卖，呢个食物包仲环保好多♻️ 用少好多外卖胶盒/餐具/胶袋etc）💡不过要留意番，所有既外卖食物包都需要提前一日预订。