亞蘇爾 (形點) (已結業)

没有晚市堂食，咁唯有食外卖，今日黎试下亚苏尔先，外卖自取有七折，仲有汽水送。下午时段黎买，平日黎讲餐厅都几多人㖞，几乎满座呢。等左十分钟左右就有得拎了，拎上手热辣辣㗎。可入微波炉嘅外卖盒，想环保一点，食完后都有洗番干净，自我感觉良好。有锡纸包装个盒系焗饭黎，另一盒系意粉。屋企人点左呢个东望洋芝士鲜茄焗猪扒饭，葡国版本嘅焗猪扒饭，好香啊～猪扒有三块，厚切！软腍多汁，入口甘香，好好味！仲要多芝士劲正，个茄汁底酸酸甜甜好开胃，啲饭吸了汁都好好味啊～另外仲点左十月初五虾子松露意大利面，个名会谂起某电视剧。入面有好多菇菇，腊肠等，配料下得几多。唔少得系大量虾子，咸鲜美味，个酱汁浓厚，完全包住啲意粉，呢碟都好好味呀～折完后一百蚊一个餐左右，唔算话好平，但最紧要屋企人食得开心嘛。