Cocina 3 Tapas Restaurant & Bar (已結業)

疫情严峻，最近都系外卖留喺屋企食，尽量减少外出。早前经过奥海城见到呢间餐厅好吸引，门口仲有抗疫餐牌。原来有「外卖直送」仲有85折，今日一于试一试。先讲一下，外卖好快速就送到屋企，食嘅时候依然热辣辣，外面酷热天气，饮品入面嘅冰依然未溶👍🏻拣咗个2人餐都唔洗二百蚊，抵食到呢...有哂主菜．沙律．餐汤．水煮蛋．奄列．饮品。真心想推介一下「西班牙奄列」第一次食，有惊喜，又多料。切开入面好多料，唔会煎到好干，入口Juicy。同平日食开嘅式奄列，完全唔同，好味😋肉酱千层面，份量都几多，布满香浓肉酱，正👍🏻沙律菜入口咬落索索声，好Fresh，超正。总括今餐食物好新鲜，送货快速贴心，外卖嘅最佳选择。疫情过后一定要堂食，试多d 其他菜式。