忠記咖啡屋‧私房菜 (已結業)

本身耐无食小菜，疫情关系谂住叫个foodpanda 外卖，见到呢间野下昼开始提供小菜，就抱住好奇心试下。点知中大伏。叫左三样野，椒盐鲜鱿，姜葱霸王鸡，金银蛋浸时蔬。先讲椒盐鲜鱿。咬落好似食鞋底咁，根本咬唔开，鱿鱼本身唔新鲜，调味偏淡反而暴露左缺点。炸得唔脆都算，重好重油味，食到反胃。唯一优点系份量够多。第一次食到咁难食嘅椒盐鲜鱿，都叫大开眼界，比一星都嫌多。姜葱霸王鸡。食落唔知关姜葱乜事。鸡身上面舖左大量葱，但食落就系硬身白切鸡。唔叫难食，不过都唔系好食。金银蛋时蔬。好难可以难食，佢都的确整得好好睇睇，料足，味道正常。不过白菜中间夹左两条头发，少少想呕。影左相，但已经食到无心机整得好好睇睇。呢个价求其食间茶记都赢佢几条街，重唔洗比呢个价。无乜野都唔洗试，有人约都唔好试。真系好耐无食野失望到打差评，你系第一间。