巴蜀烤全魚 (已搬遷) 新店位置

一路由红磡帮衬到而家,每隔一排都会去依间烤鱼店,味道都保持到水准。但可能因为烤鱼做到成行成市，令到依间水准唔错嘅烤鱼店淹没左喺其他烤鱼店中.一入到去店员就极力推荐食套餐即系烤鱼加几碟小食,但因为当日胃口一般,只系叫左几乎每次都叫嘅豆豉鱼(全鱼)-中辣就算.最最最主要嘅原因系钟意佢多豆豉,而且味浓,芹菜,大葱又好香,未试过失手.我自以为食得好辣但都系中辣就止步,大辣留待勇士挑战.鱼上枱时唔系全熟,要等一阵先食得,几生几熟都可以自己决定,唔使怕佢好快煮老.而且用来烤鱼嘅蜡烛火力唔大,可以慢慢食,自然更加可以品尝到味道.店员认得我哋系熟客,主动同我哋寒喧.仲话送小食畀我哋,我哋推辞左几次后就多谢啦.点知佢一次送左咗几碟小食上枱.我哋都只系心谂乜咁客气呀,最后变成好似套餐咁既份量,到埋单𠮶阵先至知道原来佢只系送咗其中一碟小食,其余我哋根本冇order到嘅小食要我地自费.味道咁好,何必呢.