影片
更多
2013-12-22
3398 浏览
除咗食buffet时可以一次食到多国菜, 原来斋舖都可以, 真系估佢唔到, 今天终于试过一次过叫法式、日式、意式、中式, 真系一饱口福, 相信不久的将来, 好快会再encore~ 入到去被安排坐响近门口位置, 所以唔太清楚入面系咩环境, 但见入面有d卡位, 就算坐方枱, 都唔系好迫, 我地坐门口仲好, 因为张櫈仲阔仲舒服~ 前菜个样似系螺, 响其他斋舖食过都系辣的, 但佢呢度一d都唔辣, 似系用d面豉腌过咁, 咬落都好夹口, 但又唔系苹果果种爽, 好好食~ 法式焗多士 其实即系牛油果多士, 佢好多牛油果, 面头仲会加D芝士, 令成个多士更香, 但唔知系D牛油果出油定佢落得太多牛油, 一咬果阵, 好似好多油必出嚟咁, 不过个包又焗得几香脆 木瓜蟹籽沙律原个细木瓜上, 面头切开部份, 然后响面放大量青瓜丝同紫菜丝, 同埋有D好似鱼松的物体, 应该系扮蟹籽, 虽然唔知佢系乜, 但脆卜卜咁, 唔错架~ 田园PIZZA只系得薄批, 冇得你选, 而佢个薄批系稣皮, 会香口D, 但相对感觉上油D.............所谓的田园馅, 有士多啤梨、菇、粟米、青椒、蕃茄等, 然后切到碎湿
入到去被安排坐响近门口位置, 所以唔太清楚入面系咩环境, 但见入面有d卡位, 就算坐方枱, 都唔系好迫, 我地坐门口仲好, 因为张櫈仲阔仲舒服~
前菜
个样似系螺, 响其他斋舖食过都系辣的, 但佢呢度一d都唔辣, 似系用d面豉腌过咁, 咬落都好夹口, 但又唔系苹果果种爽, 好好食~法式焗多士
其实即系牛油果多士, 佢好多牛油果, 面头仲会加D芝士, 令成个多士更香, 但唔知系D牛油果出油定佢落得太多牛油, 一咬果阵, 好似好多油必出嚟咁, 不过个包又焗得几香脆木瓜蟹籽沙律
原个细木瓜上, 面头切开部份, 然后响面放大量青瓜丝同紫菜丝, 同埋有D好似鱼松的物体, 应该系扮蟹籽, 虽然唔知佢系乜, 但脆卜卜咁, 唔错架~田园PIZZA
只系得薄批, 冇得你选, 而佢个薄批系稣皮, 会香口D, 但相对感觉上油D.............所谓的田园馅, 有士多啤梨、菇、粟米、青椒、蕃茄等, 然后切到碎湿湿, 再混埋D千岛酱, 面头再加大量芝士............唔知系咪切得碎得济, D馅料出水, 浆唔实个批底, 我一夹时, 成个面滑咗出嚟, 完全分开两边......... 但整体上感觉冇真系肉类果D pizza咁漏咁肥腻~炸软壳蟹寿司
佢竟然用紫菜沾粉炸去扮炸软壳蟹, 但又真系好似, 总之咬落去都系脆卜卜, 寿司中间仲夹咗d红色的酸萝卜? 可以增加爽脆的口感, 至于佢个寿司饭, 好实净, 比起日式果d仲实净, 唔会一夹就散~ 面头仲有d好似千鸟酱的汁, 所以我都唔驶点豉油~黑松露意大利云吞
唔讲真系唔知果d系黑松露, 因为只系一点点的黑色物体, 所以感觉唔到佢黑松露..............个意大利云吞馅好得意, 又似似地薯茸, 但又唔系好食到薯味, 真系唔知系乜? 而个汁好似金宝果d蘑菇汤咁色, 灰灰地咁, 我觉得好似咸咗少少, 但如果食番佢果d车厘茄、露笋, 个感觉又好似中和返d咁~苹果雪耳糖水
其实我搞唔清楚佢系苹果定雪梨? 不过好似食唔到雪梨果d少少酸味, 所以我当佢系苹果, 成碗糖水唔系好甜, 味道啱啱好, 唔知系咪太多雪耳, 所以碗糖水好杰, 好胶咁样, 一d都唔水..............唔知点解呢度咁早收? 明明系尖沙咀, 仲系星期五, 感觉上佢会好夜先收, 但我地一路吹水吹到10点几, 有个姐姐每枱客人走埋去讲, 佢地要收工喇~ 大部份人都好识做, 即刻拎袋走人, 因为之前10点左右已经全部埋哂单, 只系d人见未赶客, 所以仲留响度吹水啫~
张贴
