影片
更多
2017-05-29
887 浏览
今日，咁难得两个家姐都放工，紧系要一齐去“Happy Hour”啦。我哋一向都好钟意食串烧、煎酿三宝之类，所以就拣咗呢间《三郎面烧店》。一开始，我哋见间店嘅地段咁僻远，都担心间野会唔会冇咩人去呢? 点知我哋嘅担心系无谓嘅。面烧店里面嘅装修富有日本风格，和味无穷……入面唔少客人都系一双一对嘅情侣，一边谈心，一边食嘢，sweet到极致!!!老板一见到我哋，就笑面盈盈，畀咗张点餐纸我哋。家姐即刻疯狂叫野食，饿到呢……你懂的~1.串烧鸡肶肉 ($18/串)成串烧到香喷喷，啖啖嫩滑，完全唔油腻! 本来我哋重想叫多几串，不过为咗留肚食其他嘢，就忍口啦!2.串烧金菇肥牛 （$18/串）钟意金菇肥牛嘅二家姐，食第一啖就已经连赞两句「好正」，因为佢成串嘢金菇同啲烧汁混合埋一齐，简直系绝配。3.串烧四宝丸 + 司华力肠 （$16@ + $20@）食完两款串烧，我哋当然唔可以停。接下黎嘅，系弹牙无比嘅肉丸同埋司华力肠。两款串烧看似平凡，但其实极不平凡。一放上台，一股难忍嘅香味已经涌上鼻腔；再食一啖，当堂觉得自己好幸福呀!4. 烧鸭胸肉 + 黑椒猪颈肉 （$15@ +$14@）黑椒猪颈肉味道好正～佢系我
今日，咁难得两个家姐都放工，紧系要一齐去“Happy Hour”啦。我哋一向都好钟意食串烧、煎酿三宝之类，所以就拣咗呢间《三郎面烧店》。一开始，我哋见间店嘅地段咁僻远，都担心间野会唔会冇咩人去呢? 点知我哋嘅担心系无谓嘅。
面烧店里面嘅装修富有日本风格，和味无穷……入面唔少客人都系一双一对嘅情侣，一边谈心，一边食嘢，sweet到极致!!!老板一见到我哋，就笑面盈盈，畀咗张点餐纸我哋。家姐即刻疯狂叫野食，饿到呢……你懂的~
1.串烧鸡肶肉 ($18/串)
成串烧到香喷喷，啖啖嫩滑，完全唔油腻! 本来我哋重想叫多几串，不过为咗留肚食其他嘢，就忍口啦!
2.串烧金菇肥牛 （$18/串）
钟意金菇肥牛嘅二家姐，食第一啖就已经连赞两句「好正」，因为佢成串嘢金菇同啲烧汁混合埋一齐，简直系绝配。
3.串烧四宝丸 + 司华力肠 （$16@ + $20@）
食完两款串烧，我哋当然唔可以停。接下黎嘅，系弹牙无比嘅肉丸同埋司华力肠。两款串烧看似平凡，但其实极不平凡。一放上台，一股难忍嘅香味已经涌上鼻腔；再食一啖，当堂觉得自己好幸福呀!
4. 烧鸭胸肉 + 黑椒猪颈肉 （$15@ +$14@）
黑椒猪颈肉味道好正～佢系我其中一样当晚既至爱 口感烟韧 爽口弹牙～黑椒味道十足 啲肉仲好juicy 😋 鸭胸肉都唔错 好重既香烤味🔥🤤
5.墨丸油面
食完串烧，当然要食番个油面先叫完美。估唔到佢哋嘅面底有咁多款选择，除咗粗、幼之外，重有油面同出前一丁拣。另外仲可以自选辣度😋 谂咗一阵，我就叫咗个牛腩、墨丸、生菜面，再加一个牛腩汤底，香味四溢。结果当然冇令我失望啦! 虽然几粒肉丸放咗系啲汤入面，但仍然好爽口弹牙。
6.红油炒手 ($28)
最后，食辣食到上瘾嘅家姐，就点咗个红油炒手做ending。成碟嘢红当当，睇落去几辣，点知食落口先知咩叫真正嘅辣。家姐一口气鲸吞3只水饺，可想而知，佢系几咁钟意呢碟嘢啦!
呢度除咗可以叫普通罐装饮品之外，重可以order 纸包饮品。我哋三个好有默契咁叫咗柠檬茶。
食完成个晚餐之后，我无办法唔畀个Like佢。下次我一定要再黎，试下佢嘅其他美食。重点系真系好抵食，串烧烧得好专业👍🏼
张贴
