豆乳狂人 (已搬遷) 新店位置

有日路经河畔花园，见到有间豆品小食店，人气爆灯排哂长龙，好奇问左啲排队既街坊话呢度啲甜品、豆腐花同豆浆做得几好架，就排队试下。叫左手工芋泥豆乳， 可自由选择加唔加黑糖。 手工芋泥豆乳浆单一嘅豆浆， 注入咗芋泥嘅口感， 整得幼细所以口感都几好， 仲有啲饱肚满足嘅感觉小食方面我就嗌咗炸豆腐同埋粢饭， 炸豆腐够干身做到外脆内软， 另外就想赞一赞𠮶个粢饭真系好够分量， 加上佢入面嘅油炸鬼仲系脆脆地， 所以呢个粢饭食落相当有惊喜另外嗌咗两碗糖水分别系芋圆同埋超烟韧豆腐花， 烟韧豆腐花其实系加咗芋圆， 所以食落会有滑滑嘅同埋烟烟韧韧嘅口感，仲有佢嘅豆腐花并唔系一片片放落个碗就而系完整咁喺个碗入面， 所以佢个口感唔错～另外一款我哋叫咗芋圆自选左绿豆沙同埋仙草， 自由配搭想食咩就食咩，咁都几好～因为排长龙所以都要等少少时间， 整体食物 都好好食，甜食都唔算太甜，岩一家大细一齐食。佢只做外卖～所以要糖水食物碗都设计得好好，仲有双重防漏盖嘅设计， 碗身有够硬净， 所以拎返嚟安全无样～非常好！