唐宮中餐廳

营业中

休息中

今晚朋友请食饭，带我嚟一间我未到过嘅酒店中菜厅，佢喜欢多菜小肉，对我呢啲唔食斋而斋食肉嘅人嚟讲梗系斋左啲啦，不过朋友请食饭，我自然恭敬不如从命啦。清清地，唔错，不过佢都体谅我，叫返碟肉嘅。不过环境真系一流，倾计啱哂，唔怪得佢约我嚟倾计啦，虽未致于包场，但都客人唔多。有时我真系会谂佢地点为皮嘅呢，讲真，食晚饭倾计嚟呢度，我推介，不过如果越嚟越多人嚟食饭倾计，佢嘅环境优势就无哂喇。讲返餐饭先，二个菜，上汤浸菜和肉松四季豆，不过不失，可以讲小菜一碟，食完唔会特别有记忆，绝不难食，但要话好食呢？仲未有呢种感觉。特别嘅𩠌嚟喇，南昌粉蒸黑豚肉伴紫薯，听到个名都想叫啦，不过点菜时我未嚟，当个𩠌嚟到，我就问佢咩系南昌粉？佢竟然答我，唔好意思呀，我新嚟嘅，唔知呀，哈哈，不过我地都照食啦，只系我八挂啫。食落......我就对南昌粉无咩兴趣，好彩啲黑豚肉(咪又系猪肉，其实我分唔出)) 都算蒸得唔错，几爽口，唔会太肥，反而个紫薯就最正，最惊喜，好甜，虽然好饱，食几件已成碗饭咁。食饱饭，倾饱计，回家去也。地方唔错，环境啱哂俾人倾下计，够哂静，食物就未见特式，或者同我地点嘅𩠌有关系啦，一于下次试下其他先。