影片
更多
2019-01-28
107 浏览
今日有啲事落咗炮台山，闷闷地唔知道食乜好，谂谂吓有啲想去食叉烧，结果就两个人走咗去酒楼，谂返起都几好笑！去到酒楼就唔系净系食叉烧咁简单，叫咗个烧味拼盘，烧腩仔加叉烧，烧腩仔果皮够趣，中间𠮶层肥肉够爽口，叉烧偏瘦，但系唔会干争争，蜜汁够香！已经好满足！加咗碟炒米粉，上枱又系大大碟，热辣辣够香口咸咸地，搞到我又贪心要多咗个中式牛柳，唔知系唔系最近真系食唔够牛肉，佢个中式牛柳酸酸甜甜，甜甜酸酸，送返个米粉一流！一坐低已经见到佢哋有芝麻卷，一早就叫咗一份，细细条，唔会太甜，好味！依家想食都唔系度度有得食！其实餐饭有个小插曲，话说我叫咗个茄子斑腩煲，茄子食咗一旧劲好味，食咗一够鱼唔对路，好腥，叫过部长，有礼貌咁同佢讲，真系食唔到，佢二话不说，攞咗对筷子，夹起一旧鱼，食哂，然后望住我，系呀，真系有啲腥，我即刻帮你取消咗佢。唔做作，唔多说话，够爽快，部长，谢谢你！下次会同妈妈嚟饮茶再食烧腩仔！
去到酒楼就唔系净系食叉烧咁简单，叫咗个烧味拼盘，烧腩仔加叉烧，烧腩仔果皮够趣，中间𠮶层肥肉够爽口，叉烧偏瘦，但系唔会干争争，蜜汁够香！已经好满足！
加咗碟炒米粉，上枱又系大大碟，热辣辣够香口咸咸地，搞到我又贪心要多咗个中式牛柳，唔知系唔系最近真系食唔够牛肉，佢个中式牛柳酸酸甜甜，甜甜酸酸，送返个米粉一流！
一坐低已经见到佢哋有芝麻卷，一早就叫咗一份，细细条，唔会太甜，好味！依家想食都唔系度度有得食！
其实餐饭有个小插曲，话说我叫咗个茄子斑腩煲，茄子食咗一旧劲好味，食咗一够鱼唔对路，好腥，叫过部长，有礼貌咁同佢讲，真系食唔到，佢二话不说，攞咗对筷子，夹起一旧鱼，食哂，然后望住我，系呀，真系有啲腥，我即刻帮你取消咗佢。唔做作，唔多说话，够爽快，部长，谢谢你！
下次会同妈妈嚟饮茶再食烧腩仔！
张贴
