影片
更多
2008-08-06
76 浏览
早几日老板突然间约食晏, 咁啱师傅又冇约人, 所以就赴约; 一行三人, 而地点老板就拣左呢间食店, 师傅从来都未黎过呢间, 所以都几期待!一坐底发觉地方都几靓, 都几有日本嘅感觉; 之后即刻睇下有咩好食啦, 打开餐牌发觉样样野食都几贵, 平均都要成八九十蚊一份, 加上呢度食亲嘅都系贵价野, 唔系龙虾就系鲍鱼, 都系唔理咁多, 等老板发板啦! 最后老板柯打左个三人前龙虾餐, 有龙虾刺身拼盘, 烧鸡泡鱼肝, 烧带子, 炒黑豚肉, 鲍鱼炒饭同埋一窝粥!先讲下个龙虾刺身拼盘, 拼盘有龙虾, 三文鱼, 甘虾同埋鲍鱼! 龙虾就几鲜甜, 肉质爽口, 不过就有少少苦口; 而三文鱼切得几厚, 入口鲜甜, 非常肥美, 几好; 甘虾又系非常新鲜, 入口爽口鲜甜, 好味; 而鲍鱼起初师傅仲为系生嘅, 试过后先知系熟不过系放喺d冰面上冻食, 鲍鱼口感都几好, 但食唔出有咩好味, 有咩特别? 师傅一向都唔钟意食刺身, 但呢度嘅刺身都几好味, 真系唔错!烧鸡泡鱼肝就烧得几香, 几好味; 烧带子就烧得几香, 加上带子几鲜, 而肉质爽口, 真系唔错; 而炒黑豚肉就炒得唔油, 黑豚肉肉质非常松身, 入口一d都唔韧, 加埋
一坐底发觉地方都几靓, 都几有日本嘅感觉; 之后即刻睇下有咩好食啦, 打开餐牌发觉样样野食都几贵, 平均都要成八九十蚊一份, 加上呢度食亲嘅都系贵价野, 唔系龙虾就系鲍鱼, 都系唔理咁多, 等老板发板啦! 最后老板柯打左个三人前龙虾餐, 有龙虾刺身拼盘, 烧鸡泡鱼肝, 烧带子, 炒黑豚肉, 鲍鱼炒饭同埋一窝粥!
先讲下个龙虾刺身拼盘, 拼盘有龙虾, 三文鱼, 甘虾同埋鲍鱼! 龙虾就几鲜甜, 肉质爽口, 不过就有少少苦口; 而三文鱼切得几厚, 入口鲜甜, 非常肥美, 几好; 甘虾又系非常新鲜, 入口爽口鲜甜, 好味; 而鲍鱼起初师傅仲为系生嘅, 试过后先知系熟不过系放喺d冰面上冻食, 鲍鱼口感都几好, 但食唔出有咩好味, 有咩特别? 师傅一向都唔钟意食刺身, 但呢度嘅刺身都几好味, 真系唔错!
烧鸡泡鱼肝就烧得几香, 几好味; 烧带子就烧得几香, 加上带子几鲜, 而肉质爽口, 真系唔错; 而炒黑豚肉就炒得唔油, 黑豚肉肉质非常松身, 入口一d都唔韧, 加埋芽菜炒得几爽, 冇腥味几正; 鲍鱼炒饭卖相几靓, 有只蛋喺煲饭上而, 再用几蛋捞匀佢, 炒饭都几干身加上少少蛋汁真系几好味, 而鲍鱼就几爽口, 唔会太硬太韧, 几好味; 而窝粥原来系攞埋个龙虾头同尾去滚, 粥底都几好味, 虽然唔算好绵, 但好好味冇味精, 不过最衰有碎壳, 呢个位扣少少分! 食饱后每人仲有一客甜品, 而甜品师傅要左杧果雪糕, 雪糕一般啦!
总括黎讲食物质素唔错, 服务一流, 全程不停添水, 而环境非常舒服, 不过价钱唔平, 三人前要成六旧水, 加埋一要六六零, 都几贵, 不过呢餐师傅唔使比, 所以觉得好抵食! 师傅唔知点解老板会请食饭, 莫非知道师傅辛苦? 慰劳一番? 点都好都要多谢老板, 坦白讲呢间食店嘅质素唔差, 如果师傅食得起, 有机会一定会再黎, 笑脸值得一比!
张贴