大滿喜日本料理 (已結業)

今日个friend话做成左单大生意，好开心，话要请食饭，咁我话不如食日本放题呀，佢话都好，好耐冇食日本野啦，咁我当然即刻打去Book枱啦，唔比机会佢改变主意。咁我地放工就即刻过去，因为我地订左位，去到好快就比我入去坐 。入坐后， waitress很细心问我地有什么刺身系唔食，我地话冇呀，佢就话咁order一些刺身比我地先，其他等我地自己慢慢拣，我地话好呀，这里真的抵赞。然后刺身亦都很快上黎，很好。我地叫左个翠肉瓜，很鲜甜，好味。 然后叫左蒜蓉辣味煮蚬，因为我同个friend都好钟意食蚬，这个蚬真系冇得顶，少少辣加埋入蚬，真系好野味，我地食完唔够喉，再叫多次。 瑶柱鲜蟹粥，我本身唔系好钟意食粥，个个friend钟意，咁佢叫左，我就谂住试少少，点知D粥咁好味，好棉同埋真好鲜味，我地又系食完再叫。榴梿炸弹，佢唔系好重榴梿味，但炸得几香口，几好。 蒜片牛柳粒，因为我钟意食牛，这碟送到黎已经好香，牛又好嫩滑，非常好。最后仲食埋甜品，雪条添。