龍門冰室 (已結業)

放假去左屯门踩单车, 踩完好攰就去左食野先, 填饱个肚!我地拣左龙门冰室, 都几方便!佢呢度有好多扒餐, 岩岩踩完单车都要食番多D肉补番下~我就点左鸡扒流心奄列餐, 相信可以填饱我个肚!初初黎既就系冻奶茶, 饮番一啖凉快下自己先! 奶茶好香滑, 奶味好香, 饮落口仲有一丝丝茶既甘香味。无几耐就到小食, 蜜糖鸡翼同黑松露芝士焗杂菌西兰花。蜜糖鸡翼只只都好饱满, 外皮又炸得香脆, 仲有蜜糖既甜味, 咸咸甜甜, 都几惹味!食咁多肉都要食番D菜平衡一下, 黑松露芝士焗杂菌西兰花, 成个热辣辣送上, 食西兰花既时候都有好香既黑松露同杂菌味, 芝士仲可以拉丝!鸡扒流心奄列餐中, 鸡扒大大件又厚肉, 食落口啖啖肉, 鸡肉比我预期中嫩滑, 奄列好滑, 仲配左饭, 成个餐好丰富! 食完成个人都好饱!我朋友食左个忌廉粟米汁龙利柳捞丁, 都几大碟, 听佢讲都几好食, 个面仲好弹牙, 鱼柳都炸得几香, 未试过咁既配搭, 但都可以出奇地好食又特别!有时黎屯门都唔错, 又可以踩下单车, 又可以试到一D特别又好食既食物!我地都好满意!