韓舍 (已結業)

今日同几个朋友旺角打完波, 谂住夜晚喺旺角揾番间舖头食饭, 因为啱啱打完波比较肚饿, 所以有啲人就想去打边炉,有啲又想食刺身, 好彩经过创兴楼下 见到有一间又可以打边炉又可以食刺身嘅火锅店, 于是我哋就直接上去啦。上到去之后发现舖头嘅地方阔落,最啱一家大细同埋一大班朋友上去食, 入咗位后我哋就当然拣咗个海鲜火锅自助餐 喺等紧个火锅汤底得嘅时候我哋就系舖头嘅自助餐推行咗个圈 发现除咗火锅配料外仲有好多唔同嘅小食同甜品而我最喜欢嘅就系食佢个猪脚姜因为真系好入味, 喺食完第一批小食后火锅汤底终于嚟到喇 我哋一打开个盖, 争啲唔信呢个系自助餐提供嘅汤底 因为啲鲍鱼又大只虾又多, 个服务员仲好贴心同我地讲记得你打边炉前记得有一个汤底, 汤底真系十分清甜,我哋每人都差不多饮咗两碗先开始食佢嘅配料同埋叫一啲火锅配料食, 呢度除一般嘅肥牛呀猪肉呀肉类同埋羊肉之外,仲有牛颈脊同牛肋条, 如果真系钟意食牛肉嘅人嚟到呢度真系要畀佢有五个赞, 最后当然系食返个甜品先啦 呢度除咗一般嘅蛋糕呀雪糕呀啫喱外, 最特别嘅就系呢度可以自己整八爪鱼丸同埋炒雪糕真系又好玩又好食。食完后,我地6个人都觉正