影片
更多
2019-05-23
56 浏览
Le Reve 源于法文 ， 意指【Dream梦】。由Lift门打开、踏入餐厅一刻，「梦の美食之旅」就已经开始啦！餐厅装潢充满格调，灯光柔和，配以羽毛、捕梦网、刻住蒲公英图案嘅水晶球等装饰品，有如电影场景，相当有气氛，亦正好与餐厅名字【梦】互相呼应餐厅座位间距舒适，枱上摆切、餐具亦具有心思，未开始食，就已感到万分期待！入座后，店员细心同我哋介绍餐厅嘅起源、主题及menu菜式。Menu内主要分为 4 / 6 / 8 道菜 ，而6 & 8 道菜最为特别，因当中包含 Surprise dish ( 即由厨师发办)店员逐解释道…… 发梦嘅时候系唔会知道下一秒将会发生咩事。餐厅希望带俾客人同样惊喜，沉醉喺梦中，以配合【梦】主题，此举甚有意思最后我哋决定试下6道菜 -「 6 Shades of Flavour」（$890)⭐️柚子汁煮莲藕 （前菜）前菜系一道凉拌小食，莲藕切成小粒，方便入口，口感爽脆，配以酸甜柚子汁，非常开胃👑餐包餐包用麻布袋装住，好特别～内含两款自家制餐包，面包都有烘过～呈微暖！当中最欣赏牛角包，外层酥皮非常松脆，内层则够软熟，配埋自家制牛油一齐食～ YUMMY⭐️味噌法式炖蛋配北海
由Lift门打开、踏入餐厅一刻，「梦の美食之旅」就已经开始啦！
餐厅装潢充满格调，灯光柔和，配以羽毛、捕梦网、刻住蒲公英图案嘅水晶球等装饰品，有如电影场景，相当有气氛，亦正好与餐厅名字【梦】互相呼应
餐厅座位间距舒适，枱上摆切、餐具亦具有心思，未开始食，就已感到万分期待！
入座后，店员细心同我哋介绍餐厅嘅起源、主题及menu菜式。Menu内主要分为 4 / 6 / 8 道菜 ，
而6 & 8 道菜最为特别，因当中包含 Surprise dish ( 即由厨师发办)店员逐解释道……
发梦嘅时候系唔会知道下一秒将会发生咩事。
餐厅希望带俾客人同样惊喜，沉醉喺梦中，以配合【梦】主题，此举甚有意思
最后我哋决定试下6道菜 -「 6 Shades of Flavour」（$890)
⭐️柚子汁煮莲藕 （前菜）
前菜系一道凉拌小食，莲藕切成小粒，方便入口，
口感爽脆，配以酸甜柚子汁，非常开胃
👑餐包
餐包用麻布袋装住，好特别～
内含两款自家制餐包，面包都有烘过～呈微暖！当中最欣赏牛角包，外层酥皮非常松脆，内层则够软熟，配埋自家制牛油一齐食～ YUMMY
⭐️味噌法式炖蛋配北海道马粪海胆及苏格兰蛏子（Surprise Dish )
苏格兰蛏子：炒得啱啱好～ 肉质爽口弹牙，连同三文鱼籽一齐食，令整体鲜味更升华
法式炖蛋：非常惊喜！无谂过味噌同法式炖蛋可以咁夹！一甜一咸嘅味道，层次相当丰富上方嘅马粪海胆亦同样新鲜又甘甜，3者配合～口感细腻，令人想一食再食！高质！
⭐️鹅肝多士配栗子蓉及乳酪雪糕
鹅肝煎得好香～ 表层带微焦，咬落去如口中溶化一样，配上砵酒汁，整体味道好浓郁
栗子蓉带微甜，质感幼滑，而乳酪雪糕味道则较清带酸甜。店员建议我哋将三者混合一齐食，当中嘅酸甜刚好中和鹅肝既油腻感，一冷一暖，产生出一种好美妙嘅化学作用！好好味～～！
⭐️慢煮波士顿龙虾尾配芥末籽汁及三椒汁
龙虾尾以慢煮方法烹调，肉质爽口弹牙，且保持到当中既鲜嫩甜味。旁边放上以分子料理方式制成嘅菠菜奶泡，味道清新，更增添咗不少视觉效果！另外酱汁部分亦值得一赞： 芥末籽汁 及 三椒汁（以白胡椒/黑胡椒/青胡椒打成嘅酱汁）带微辣，好惹味！伴碟嘅炸羽衣甘蓝都系一个小惊喜～ 非常香脆，咸咸地～好好味！
⭐️日式矶煮鲍鱼配大根及昆布高汤
( Surprise Dish )
上枱时，店员已提醒我哋要准备好相机。因为下一秒将会 上演「火烧鲍鱼」。
鲍鱼沐浴喺蓝蓝火焰当中，画面相当唯美
盘子淋上了玫瑰露酒，火烧过程中，同时挥发出淡淡玫瑰香味，不论视觉、嗅觉都一大享受但最重要都系味觉～ 日式矶煮鲍鱼口感软淋弹牙～仲非常入味！炖煮过嘅大根味道清甜，昆布高汤虽说系汤，
但更像浓缩咗嘅酱汁一样，味道浓郁果然系色、香、味俱存～～～！
⭐️刺身级别鳕鱼配番茄洋葱粒及番红花蚬汁
鳕鱼用上刺身级别，鱼皮部分煎得非常香脆，肉身嫩滑无比，鲜味十足，油脂丰富！配上番茄及洋葱粒，口感更有层次、味道有小清新，再沾取旁边既红花蚬汁，真系回味无穷。
⭐️鹿儿岛A4和牛配松露牛肉汁 （+$198）
鹿儿岛A4和牛，餐厅选取牛柳位置，厨师火喉控制得宜，约3-5成熟。表皮煎得脆身带焦香，肉质呈漂亮嘅粉嫩色，油脂及筋位不多，但牛味好出好浓郁口感非常嫰滑，配上松露牛肉汁，好好味。 而旁边鸡油菌及时令菜都有悉心炒过！整体非常出色
⭐️炸芝蔴球配黑芝蔴雪糕及黑白芝蔴脆片
摆碟非常精美！！芝麻球外层非常香脆，内层口感软糯烟韧，食个阵沾取少少黑芝麻雪糕一齐食～ 芝麻味非常突出！YUMMY另外，旁边嘅干果粒、焦糖爆谷、黑白芝蔴制成嘅焦糖脆片等，都好好味！
令整体层次更丰富更具特色！
最后送上伯爵茶，估唔到都有一个小惊喜
竟然仲有配茶嘅小茶点，非常周到，当中嘅鸟结糖好好味，好多果仁碎，味道唔会过甜，一边品茶，一边细味著整顿晚宴嘅佳肴，为今晚划上完美句号由入座至整个用餐过程，就好似进入咗一个神秒梦幻角度每上一道菜，店员都会悉心介绍当中嘅食材、特色同煮法，服务态度一流！加上环境、食物等，各方面都非常高质！
晚餐完结后第2日，都仲有啲念念不忘，真系唔想梦醒呀～～！下个纪念日一定要重临Le Reve ，再次「发梦」
张贴
