豪隍點心工房 (已結業)

有一晚放工想饮茶食点心，谂起bookmark咗观塘呢间开到夜晚九点嘅点心店，放工去食都得。六点三嚟到，因为比较早，所以无book都即刻有位。点心纸虽然只有一张，底面两版，但选择都算多，基本款式点心都有，亦有蒸饭同米线拣。呢度嘅虾饺同粉果可以一笼双并咁嗌，每样两粒，两个人一人一粒啱啱好。粉果皮口感烟，内馅材料丰富。虾饺超大只，虾饺皮晶莹剔透呈半透明状，里面啖啖虾肉，爽口弹牙烧卖又系好大只，面头放虾仁卖相好靓。同虾饺一样好多虾肉好爽口。山竹牛肉球口感滑溜无渣，肥猪肉份量适中唔会过份肥腻。芫茜份量都唔少，钟意食芫茜嘅我好满意蒸肠粉拣咗牛肉肠，就咁睇样都知肠粉皮够薄，睇落都知好味牛肉馅份量好多，而且味道好炸嘢就只叫咗蒜蓉芝士长春卷，长春卷炸得深色咗少少。春卷馅好多爽口虾肉，同蒜蓉芝士味道非常配合生粆糯米饭好足料而且唔会过份油腻，而且份量都好多。整体嚟讲点心质素几好，价钱平得嚟大大件。营业时间长，晚市收九点放工嚟食都赶得切。如果煎炸嘢多啲选择会更好，例如煎薄撑、煎芋头糕、萝卜丝酥饼、芋角等等。下次放工想食点心都好可能会再嚟帮衬。