Mother of Pizzas

营业中

休息中

🍽️🍕🍝大件好味Pizza 🔔设加一，水免费🍕13” pizza 双拼 -$238 （价钱以较高嘅Pizza计算）双拼唔使加钱，13吋嘅pizza切开咗六片，每款三片，每片都好大块，亦都好足料，个边比较厚，但系都几软熟，而Pizza中间嘅饼皮唔会好厚。店员会另外比辣椒粉同埋Tabasco 酱俾你加辣。✅Summer Of Love 1967 爱的夏天 1967菠萝切到四四方方长方形好得意，每粒菠萝都几甜，而个酱都好特别，由于加咗蜜糖，所以会甜甜地，好似甜嘅烧汁咁样。上面嘅辣肉肠同埋火腿都好香口。✅Meat de Cavemen 山洞人啖啖肉而呢款就用上蕃茄酱，上面铺满咗洋葱、辣肉肠、谷巴火腿，啲肉同样都好香口，味道就比较传统，但系都好好食🆗意大利鸡肉茄酱意粉 -$168意粉嘅份量都OK，而且煮得刚好唔会太腍，鸡肉、芝士同茄酱都好多，每一条意粉都可以挂汁，好食但味道都冇话特别出色，性价比唔算好高。