龍門冰室 (已結業)

去屯门探朋友，佢介绍咗呢间好多分店嘅港式茶餐厅🍴去食嘢，话份量足，价钱唔会好贵，咁咪一齐去食嘢啰！比起其他分店，呢间港式茶餐厅面积唔算大，不过装修风格都系可以叫做一致，白砖墙身咁啦⋯⋯，冇乜特别。叫左个常餐($35)，有沙嗲牛肉面(我转左要米粉)，鲜油多，炒蛋白，饮品就要左冻泡沫咖啡(走甜兼少冰🧊)。想讲𠮶份炒蛋白真系好正，用料足，大大份，厚度十足，因为冇蛋黄，唔驶担心胆固醇超标，而且蛋白营养丰富，含有大量优质蛋白质，食多多都冇有惊，入口热辣辣，绝对系即叫即煮，正👍。仲有𠮶份鲜油多，多大自动走边，抵赞，至紧要系多士里面厚厚又够冻嘅鲜牛油🧈，入口即化，外面多士又热又够脆，绝对冇花冇假嘅好味道呢！