岩盤牛扒ミディアムレア ステーキ (Greenery Plaza ) (已結業)

之前去过另一间分店，一直都对佢嘅牛扒念念不忘，今次黎大埔终于又见到啦，二话不说即刻入去食番餐~~~ 一样都系先排队拣要咩部位同几重，会即时磅俾你睇，再计番个价钱，然后等煮熟就拎得。今次试下牛柳，因为唔想咁肥，大约260克，升级套餐加配温泉蛋、白饭同可乐。一拎到牛柳就闻到阵阵牛香味，切开仲见到血色，好吸引，可以按自己中意嘅熟度放上石板再烧一烧！牛柳肉质软腍，我中意肉味唔会太浓，旁边仲有柚子汁去油腻，仲有胡椒粉同玫瑰盐调味。温泉蛋好Q弹，食落口非常香滑，配上白饭一流！想食啲高质少少又唔贵嘅牛扒，依间系唔错嘅选择，佢仲有肉眼、西冷、牛板腱、后腰三角肉等等，而且系照重量黎计价钱，唔惊俾人揾笨~食完记得要自己将托盘放系回收站。