JOMO Kitchen & Health Hub

营业中

休息中

上一次朝早去Jomo想食少少嘢，不过冇乜轻食，所以食咗份全日早餐，好饱。而星期六日嘅lunch time都比较多人，所以今次拣咗一个比较肚饿嘅朝早嚟。两个人分别叫咗手撕猪肉汉堡、牛油果鸡肉墨西哥卷Burrito、Mocha 同pink smoothies 。手撕猪肉汉堡好大份，连沙律都系。手撕猪肉好入味，配蕃茄同酸瓜几好食，可惜个包唔系好热。油醋沙律食唔晒，因为太过单一，食多几啖就有啲闷。如果佢有多少少纯沙律菜以外嘅配搭，例如果仁、干果之类，就有机会食得晒。上一次嚟饮flat white, 觉得冇乜咖啡味，今次转饮mocha (nutty flavour)，都系冇乜咖啡味，似系一杯淡味朱古力奶。Pink smoothies 价钱稍贵，但真材实料，不会太甜，也不会有冰碎。有次外卖咗件两件蛋糕，反而十分精彩，可能呢度嘅甜品比较出色。呢度色调舒服，我见都多family会嚟，不过枱就比较差，枱脚是交叉 support，我见每位食客都唔知将双脚放喺边好，一系就要踩上枱脚，或者跨过枱脚（但都会去咗隔篱位），如果唔系就要双脚贴实，呢几个姿势都唔系太舒服。唔知系咪因为咁，见到有人楝起只脚坐🤣。