新康記菜館

营业中

休息中

本身谂住嚟海傍食海鲜，见隔离餐厅几满就过咗嚟，叫咗个自选五碟海鲜连油菜嘅套餐，已经知道约$100一碟嘅海鲜质素唔会特别好，但都冇谂过一间正正常常长洲海边嘅大排档全部海鲜都用啲雪藏货。个似系老细嘅中年男人口口声声话今日嚟嘅濑尿虾系新鲜嘢，其他就唔好预会好新鲜，第一次见啲咁诚实嘅商户；我哋最后嗌咗蒜蓉蒸开边虾、豉汁蒸仓鱼、油盐水濑尿虾、蒜蓉蒸蛏子同椒盐鲜鱿，冇一样系新鲜，全部啲肉都痴实个壳，食落明显霉霉哋，濑尿虾一啲味都冇，唔知自己食紧咩，极度唔推荐。-态度就更加唔好讲，一开始个老细过嚟话教我哋拣食物，声称自己做开街坊生意，而啲街坊都系会单点海鲜，因为单点会大份同新鲜啲；但我哋𠮶时已经拣好晒菜式，同埋比较肚饿，所以就照原定咁嗌。一间餐厅每个𩠌嘅质素唔应该差太远，就算唔跟佢推荐咁叫都系客人嘅选择。作为老细，仲要喺客人落完单之后喺客人面前指住其他人话：街坊就识嗌，会单点食物。真系第一次见一个咁唔识尊重人嘅老细，建议唔识人想感受下被差别对待嘅人可以嚟试下。