大邊爐火鍋店

营业中

休息中

今日黎到九龙城一间比较隐世既楼上舖----「大边炉」，舖面除左大大个招牌之外就无显眼既餐单，我同几个朋友上去试试佢！平日晚上到果阵都有d人气，一坐低店员就好快将各种酱料递上，呢个既酱料比较特别既系有泰式沙嗲酱！沟埋火锅豉油别有一番风味！为左消暑，今次叫左个冬瓜瑶柱汤底，简单得黎又好足料！切碎既冬瓜加上大量粒粒瑶柱(系原粒并非碎碎)正呀！食材方面呢到都有几多自创配搭，例如今次就叫左虾滑酿鱼肚同苋菜带子饺，都系好特别未食过既组合！呢到既虾滑酿鱼肚精髓系个鱼肚到，松软得黎有内外既质感，唔似得某d好似猪皮既鱼肚，而呢只鱼肚入口之后真系黏口既！可以话系又吸汁好味又养颜，值得一试！至于苋菜带子饺就会系每只饺子里面包住左半只带子，除左菜肉既咸鲜味仲食到海既鲜味，非常清新！今次另外都叫左一个特别配搭陈皮牛肉滑，一块饼既上面配搭住粒粒葱花以及马蹄粒，碌熟之后食落弹牙唔痴牙，口感同鱼滑有得挥而肉味十足！由于呢到用既都系高级食材，所以个价位偏贵少少，但系今次趁住餐厅20周年大优惠，每晚9点后入座都会有半价优惠，可以话系性价比十足呀！