影片
更多
2021-07-17
388 浏览
好耐冇旅行，喺香港食🇯🇵日式料理就成为我哋唯一嘅寄托。大胜轩丸一可以话系日本沾面界始祖之一，之前已经试过佢哋嘅沾面，今次见到佢哋最近同鳕卵屋合作，推出夏季限定嘅明太子料理，于是就奔住明太子系列而去。餐厅位置唔算易揾，要穿过屋苑入面先见到，虽然入面环境唔算好大，但装修同设计都几有日式风格🎎🎏。🍜大胜轩沾面 $68呢度有十二款沾面可供选择，我哋就拣咗最basic嘅招牌沾面。汤底均由日本工场熬制后直送香港，保证原汁原味。面体温度上拣咗微冷，好适合夏天食用。面条弹牙，份量又够多。而汤底味道刚刚好，浓郁得嚟又唔会太咸。👅评分：7.5/10🍜明太子油面 $88油面比想像中大碗，而配料亦十分丰富，除咗有一大羹明太子之余，仲有叉烧、紫菜、笋干、香葱。明太子俾得相当足料，每一啖都可以食到明太子，丰富鲜味以外带有微微嘅辛辣感。酱料沉淀喺最底，味道偏咸，所以要捞匀啲油面一齐食。值得一赞嘅系叉烧肥瘦适中，而且紫菜同香葱喺调味上起咗关键嘅角色，令整体味道更加分。👅评分：8/10🥚明太子玉子烧 $58玉子烧偏湿，表面带有些许焦香，入面包咗香葱，而上面就有一小撮明太子。一整件放入口先可以试到最正嘅味道，如果食唔到明
🍜大胜轩沾面 $68
呢度有十二款沾面可供选择，我哋就拣咗最basic嘅招牌沾面。汤底均由日本工场熬制后直送香港，保证原汁原味。面体温度上拣咗微冷，好适合夏天食用。面条弹牙，份量又够多。而汤底味道刚刚好，浓郁得嚟又唔会太咸。
👅评分：7.5/10
🍜明太子油面 $88
油面比想像中大碗，而配料亦十分丰富，除咗有一大羹明太子之余，仲有叉烧、紫菜、笋干、香葱。明太子俾得相当足料，每一啖都可以食到明太子，丰富鲜味以外带有微微嘅辛辣感。酱料沉淀喺最底，味道偏咸，所以要捞匀啲油面一齐食。值得一赞嘅系叉烧肥瘦适中，而且紫菜同香葱喺调味上起咗关键嘅角色，令整体味道更加分。
👅评分：8/10
🥚明太子玉子烧 $58
玉子烧偏湿，表面带有些许焦香，入面包咗香葱，而上面就有一小撮明太子。一整件放入口先可以试到最正嘅味道，如果食唔到明太子嘅部分就略嫌味道偏淡。
👅评分：7/10
🍹原味乳酸梳打 $18
冰冰凉凉嘅乳酸梳打超级适合夏天饮，清爽碳酸带来畅快消暑感觉❄️。
👅评分：7.5/10
张贴
