焼き鳥。来 (已結業)

我成日都会去大南街行下文青店，食下饺子。近来都会见到有一间比较新潮啲嘅日式串烧店，其实我都想试好耐，今日的起心肝，同老婆去𠮶间叫几串串烧试吓。我哋叫咗几串：鸡皮、鸡肾、鸡软骨、鸡脆骨、鸡全翼同埋京葱鸡肉，全部都系鸡。啲师傅即叫即烧，烧出嚟香味十足。我哋喺街边都只系等咗一阵就有得食。随串烧附送一包辣味粉。我哋怕热气，所以冇落，不过落埋应该更加之有风味。间铺系冇得坐低食嘅，都系做外卖。但系我哋急不及待，行埋一边就即刻食。啲串烧非常惹味，火候十足，亦都食得出食材非常新鲜。啲鸡皮烟韧，鸡软骨超爽，啲鸡肉都好鲜嫩。串烧令人非常开胃，即刻胃口大开去附近食埋个晚饭。总括来讲，非常值得推介，下次再同朋友买几请带埋啤酒过嚟食。