Chill and Grill

营业中

休息中

朋友住开西环，介绍我嚟呢间西餐扒房食饭，一入到去，间舖好大间，目测应该有七、八千呎，而且装修好型好靓，除咗传统木色，仲配上好多粉红、粉蓝嘅点缀，好多打卡位，朋友同我讲，话呢间餐厅系电视剧大叔的爱嘅其中一间取景餐厅，仲绘形绘声咁讲埋个剧情我知，搞到我即刻想睇番𠮶集。今次头盘叫咗 三文鱼凯撒沙律（$148），主菜叫咗 美式肉眼扒（$328），肉质嫩滑，表面有少少㶶，但又能够保持鲜味，好有美国 Feel，另外又叫咗磨菇意大利饭（$148），食落冇其他餐厅咁硬身，几啱我口味，两个人简简单单一餐饭，叫饮埋嘢，每位 $400 左右，以呢度嘅环境装修，唔算贵，值得一试。