劉興記生煎包專門店

营业中

休息中

朋友通知大围有一间爆汁生煎包小店！！！日日都大排长龙，应该食物质素有一定嘅肯定！！我去探店当日，都排咗大概20分钟~麻酱手撕鸡丝粉皮~鸡丝同粉皮份量都算几多，而且系冻食嘅item，可以有开胃嘅功能！麻酱够晒香滑，整体分数算几高👍🏻蟹黄生煎包~除咗一般鲜肉生煎包之外，我都钟意海鲜，可以选择埋蟹皇黄生煎包，层皮薄到可以见到里面嘅汁系度「朗朗」下，成件事非常有趣😆咬开就见到好多蟹黄，果然够晒足料。招牌生煎包~食呢个生煎包真系要非常小心！！如果唔系,一定会整污糟件衫！！与朋友所讲每一粒生煎包都非常爆汁，我刻意用匙羹去量度佢嘅汁量，简直惊为天人！！！肉汁非常鲜甜，食每一粒都觉得系一个享受😌排骨葱油拌面~排骨炸得非常酥脆，更可以沾上旁边嘅辣酱，各有风味，不得不提，拌面嘅酱汁亦调较得非常恰当，唔会过咸！