河內越式料理 (村南道)

营业中

休息中

食越南料理最心心念念一定重口味鸡翼，今次嗌嘅法式牛油鸡翼份量十足，外皮炸得好香脆，咬落仲啖啖肉。谂住叫多一个小吃，但担心太Heavy，就叫咗一个平时少叫嘅青木瓜沙律，出面食嘅青木瓜沙律好多都硬骨骨，而今次呢个沙律咬落脆而不硬，食落非常清爽。嚟到主食方面，蟹膏汤檬就一定走唔甩啦，汤底蟹味香浓，豆卜吸饱汤汁，十分惹味。捞檬方面猪扒亦非常出色，食落唔会太干，质地亦算松软，配料配合酱汁非常开胃。最后我哋仲嗌咗青柠冰同埋三色冰解解渴，值得一题系好耐冇饮嘅三色冰，椰汁唔会好稀材料亦都好足，直头系有细个饮嘅味道啊！