風車

营业中

休息中

今日经过大围油站附近， 试咗一间西餐厅， 不论环境及食物都几有水准， 而且价钱都算合理。门口见到有好多不同菜色嘅menu， 里面嘅环境及灯光都几舒服， 楼底相当之高，而且有水晶灯及大电视， 枱与枱之间都十分阔落。我们点了一个二人套餐，头盘系香煎阿拉斯加蟹肉饼， 蟹肉味道都好突出，而且份量都算大。蕃茄汤都几好饮， 酸酸甜甜，都几醒胃。主菜嗌了纽西兰肉眼扒配焦糖菠萝， 牛扒煎得刚刚好，出面起晒格仔有少少炭香味道， 里面肉汁锁住， 入口好有肉味。大大件嘅焦糖菠萝，同牛扒味道好夹。另一款主菜系西班牙式烧原只春鸡， 虽然外皮唔算十分之脆， 但系肉质嫩滑，入口十分 juicy。甜品系蓝莓芝士蛋糕， 微微芝士味， 蛋糕唔算太甜都几好食。