八妹雞煲

营业中

休息中

同朋友去到大埔附近工作，收工后就到大埔附近嘅餐厅觅食。朋友话大埔出名食鸡煲，所以就专登上网揾一揾边一间好食，最后就发现呢间八妹鸡煲。呢间餐厅嘅价钱唔算贵，系食鸡煲嘅餐厅入边，其实呢一间嘅环境算系相当干净。我同朋友得两个人，所以就叫唔到好多嘢食，不过我都有问店员呢度出名食咩，咁佢哋都推介左我哋食牛魔王嘅A 级安格斯肥牛同埋即炸响铃，平心而论，呢一间嘅鸡煲其实算系中等，并唔可以话系非常之好食，不过打边炉嘅食物就几唔错，尤其是我最钟意佢𠮶个即炸响铃，浸2秒就即刻食得，真系好脆仲有佢嘅大大杯冻柠茶都值得推介一下，其实食打边炉或者鸡煲呢啲咁重口味嘅嘢真系要一杯大大杯嘅冻柠茶先够解渴。整体而言，呢一间鸡煲味道算系中上，而且服务态度同埋环境都非常唔错，如果想食鸡煲又唔食得太马勒嘅话可以试试。