Noc Noc

营业中

休息中

住系大埔既朋友都知太和个边多野食，近来系停车场个边仲开左好多新餐厅。久仰大名，今日特登行过黎试下Noc Noc；呢度唔算新，开左一段时间，已经储左唔少捧场客，假期更系一位难求，今日闲日夜晚黎到，等左阵就有位。而家就同大家分享一下呢度既野食啦：- 德国咸猪手虽然真系热气，遇到美食都系要豁出去，最多饮返两杯draft beef。一上枱，我同友人都惊讶，佢认真大份量，仲配埋薯角同沙律！猪手外皮脆卜卜，肉质却出奇地嫩滑，肥膏亦唔算多。味道都ok，唔会死咸，配埋个蜜糖汁，空口食一旧接一旧都唔会太肥滞，好快就食晒。- 冬阴公海鲜意大利饭唔好以为冬阴公净系可以煮汤，用黎煮risotto都好好食。每粒饭粒都比冬阴公汁包住，微辣好够味， 而且仲有好多唔同既海鲜，青口、鱿鱼、鲜虾、鱼、蚬，食完唔会好味精同好口渴。另外，呢个份量都好多，睇落好似细细碟，不过其实个碟好深架。- Egg Benedict我都知夜晚食egg benedict好似唔太夹，不过真系好想试下。English muffin 唔会好干身，面包上面系烟三文鱼同半熟蛋，唔是常吃到既火腿，感觉light 一d；个荷兰酱唔会过酸，味道岩岩好，好开胃