明星皇宮

营业中

休息中

我哋继续留区消费，午茶正价入座喺汀角路𠮶间明星皇宫。先量度体温后入座枱与枱之间尽量相隔都做到嘅。点心纸阿爸入，永远都系嗌到一枱点心。比起同区酒楼佢嘅点心确实在水准同出品都系好稳定好少出事，同埋佢啲茶唔俗干净好饮！炸云吞同咸水角炸得够透,脆口同有热度地好食！咸水角最后有追加多一份！烧卖,菜苗饺,凤爪排骨饭,马拉糕同咸肉粽都系热辣辣出住蒸气咁上枱,所以佢嘅点心真系即叫即蒸,食落烫口味道不过不失！炸乳鸽都好入味,腌得好,原只上食好滋味！皮够脆所以最后a都有追加一人一只！呢个系同屋企人饮茶不过不失的老地方。