影片
更多
2022-11-05
120 浏览
之前已经预约左呢间餐厅，想要好好庆祝吓今日。差不多6点钟嚟到餐厅，见到餐厅竟然空无一人，心谂会唔会中伏？好彩结果系无令我失望嘅，其实用餐中途已经不断见到有客人入嚟，到我地差不多食完，餐厅亦差不多满座。 朋友要左一个dinner set，而我见到个餐咁多嘢食，都担心太多嘢食会食唔哂，所以只系叫左个小食再加main course。 Dinner Set($688)共有6道菜：1st 季节限定法色浓汤： 甘笋橙汤2nd 季节限定法式前菜：酒酿法式鹅肝冻3rd 季节限定法式多士：鱼子酱多士4th 季节限定轻食：法式鹅肝挞5th 主菜(可选牛、猪、鸡、鸭、鱼，朋友拣左要牛)鹅肝牛柳6th 季节限定甜品：芝士蛋糕 一个Dinner set有成六道菜，我真系食唔晒，朋友就觉得好正、啱啱好。每道菜都会依次序，逐一上台，上台后就系影相打卡时间(😄📸碟碟嘅摆盘都唔一样，重要超靓)。对于呢六道菜，朋友嘅评语系：每道菜都有惊喜，味道完全唔一样，所以每食一样都有新鲜感。🥣先讲个汤，真系非常之浓稠，甘荀味非常之出。🧊而个鹅肝冻，酒味浓郁、食落真系好香、好醇、好滑。🍞鱼子酱士，唔洗多讲，真系有好正嘅海水味。
朋友要左一个dinner set，而我见到个餐咁多嘢食，都担心太多嘢食会食唔哂，所以只系叫左个小食再加main course。
Dinner Set($688)共有6道菜：
1st 季节限定法色浓汤： 甘笋橙汤
2nd 季节限定法式前菜：酒酿法式鹅肝冻
3rd 季节限定法式多士：鱼子酱多士
4th 季节限定轻食：法式鹅肝挞
5th 主菜(可选牛、猪、鸡、鸭、鱼，朋友拣左要牛)鹅肝牛柳
6th 季节限定甜品：芝士蛋糕
一个Dinner set有成六道菜，我真系食唔晒，朋友就觉得好正、啱啱好。每道菜都会依次序，逐一上台，上台后就系影相打卡时间(😄📸碟碟嘅摆盘都唔一样，重要超靓)。
对于呢六道菜，朋友嘅评语系：每道菜都有惊喜，味道完全唔一样，所以每食一样都有新鲜感。🥣先讲个汤，真系非常之浓稠，甘荀味非常之出。
🧊而个鹅肝冻，酒味浓郁、食落真系好香、好醇、好滑。
🍞鱼子酱士，唔洗多讲，真系有好正嘅海水味。
🥞法式鹅肝挞，系葡挞加鹅肝，咸甜味道有层次，特别欣赏蛋浆好滑、好香甜。
🥩鹅肝牛柳最有惊喜，因为最先以为只系得一件牛扒，原来系仲配有鹅肝。牛柳肉质软腍多汁，肉味丰富。
🍰甜品芝士蛋糕，不嗜甜嘅朋友都觉得呢个唔错，尤其是个朱古力牌，竟然用左黑朱古力，配搭芝士蛋糕一齐食，味道搭配出色。
我拣左嘅小食系，时令海胆刺身多士($198 3pcs)。上台时真系吓一跳，每件多士面铺著满满嘅海胆，色泽亮丽，未食已经觉得呢个小食性价比甚高。入口后，即时有幸福满满嘅感觉，海胆味道甘甜、口感软滑。
主菜拣左慢煮西班牙黑毛猪鞍.焦糖苹果($298)完全感受到慢煮嘅精髓，肉质嫩滑，容易嘴嚼，保持到肉汁。猪鞍似系完全无落调味，初时食到肉质嘅原味道，觉得几惊喜，但系慢慢食落就会觉得味道较淡，不过伴碟边会见到有海盐，仲有苹果蓉，点猪鞍食，味道即刻唔同；苹果嘅甜味令猪鞍味道不再单调，而海盐嘅微咸更能提升肉味。
庆祝点可以唔饮返杯酒，我就拣左Rose，朋友就拣左 Singapore Sling。Rose好靓，慢慢睇住烟雾泡爆破，烟雾弥漫嘅感觉好梦幻。入口除左酒香，仲渗出淡淡嘅花香。Singapore Sling 嘅红色又系好靓，晶莹如红宝石一般。
总结系每道菜都真系色香味俱全。呢度绝对系庆祝、情侣、知己相聚嘅首选餐厅。
张贴
