和拉麵

营业中

休息中

原来大埔都有好多特色美食，早几日又同朋友食拉面，今次去食和拉面。店舖虽然不大，但日式装修有空间感，一路播住日文歌一路食拉面好好气氛。下单前店员会主动同客人讲解，十分友善。讲番拉面汤底，佢地有三款可以选，猪骨、味噌同埋辛辣汤。可以按自己既个人喜好，系menu自订一碗啱自己口味既拉面。今次拣左味噌拉面，而朋友就拣左猪骨原味。味噌汤底浓度适中，加上叉烧、糖心蛋等丰富配料，叉烧炆得淋而入味，糖心蛋蛋黄流出黎，好快成碗面就俾我食晒连汤都饮晒！另外其他小食都有好多选择，我们亦点左炸鸡软骨，即叫即炸，十分酥脆香口而且份量足！比外面的炸得更大颗，口感很好，又抵食。