Homeland (東昌街) (已結業)

去完龙尾滩玩，返到大埔想睇下附近有咩好嘢食，见到网上推介homeland 手工意粉，我即刻去揾路。就喺东昌街一个好细嘅门口，入到去原来卧虎藏龙。抗疫套餐，主菜配沙律及饮品都系一百蚊左右。我点了松露啡菇鸡胸阔面条$98， 加配德国肠拼盘$88。 朋友叫咗个 Egg Benedict $98，再加香辣蕃茄白酒煮青口$88。跟餐送嘅田园沙律🥗非常新鲜咬落去爽脆。个醋酸甜度调得啱啱好，好开胃。德国肠配酸菜薯蓉肠仔有3款：Regensburger, nurnberger, super prork cheese。 好多肉汁劲 juicy ， 肠皮好脆。 薯蓉打得好滑好creamy，薯香味重。 德国酸菜亦都好好味， 实在太好食如果可以多啲就好喇，劲贪心😛。松露啡菇鸡胸阔面条🍝果然众望所归，佢嘅手工意粉真系好高质素，通常我唔食咁厚嘅阔面条，因为怕硬。但系佢呢个阔面条好有咬口。 个 pasta 一放上枱松露味已经扑鼻而来，啡菇有菇汁好鲜甜。鸡胸肉一啲都唔dry。 个忌廉汁做得啱啱好，好creamy， 完美地包围每一条面条。 上面啲沙律芽菜好清新，草香味浓， 加上爽脆嘅口感可以中和返heavy 嘅酱汁。