影片
更多
2023-09-14
418 浏览
白味噌帆立贝意大利阔条面前前后后都去过呢间餐厅几次，唔肯定呢款系咪周末限定，有时候Menu未必会揾到呢款菜式，所以今日见到即刻叫黎试一试。第一样不得不赞佢嘅面粉，咬落去有弹性，口感很OK。所选用嘅饭立贝有鲜味， 而味噌味道亦都啱啱好，食落个感觉唔会好重味，对比Menu入边嘅蕃茄酱意大利粉或者黑松露味嘅意粉，呢款阔条意大利面个味偏向清新，有时出街食嘢食开太浓味想食返淡少少，呢款系一个唔错嘅选择。冻柠蜜每个套餐都会配嘢饮，例如有姜母茶同冻柠蜜，而呢杯冻柠蜜一啲都唔Hea，柠檬唔多唔少，三片啱啱好，唔会令到杯嘢太酸，而且仲有一片薄荷香叶调吓味。虽然系柠蜜，但系就有啲酸中带甜嘅感觉，非常好饮。黑松露薯条选用粗身嘅薯条，虽然个筒好似好细，但系份量其实都唔少，$30嚟讲，性价比唔错。我觉得薯条好食嘅一个关键就系够脆，如果上菜果阵已经摊冻咗就会变淋，冇晒口感，但同时又唔可以炸得太尽，搞到咬落去完全感受唔到薯粉。而呢个黑松露薯条炸嘅火候就啱啱好，咬落去脆身，配合味道好浓郁嘅黑松露酱，正！不过如果唔要酱就咁食薯条，其实味道都已经非常唔错。最后都想讲吓呢间餐厅嘅环境，周末嘅下午茶时间唔算特别多人，灯光偏暗
前前后后都去过呢间餐厅几次，唔肯定呢款系咪周末限定，有时候Menu未必会揾到呢款菜式，所以今日见到即刻叫黎试一试。
第一样不得不赞佢嘅面粉，咬落去有弹性，口感很OK。所选用嘅饭立贝有鲜味， 而味噌味道亦都啱啱好，食落个感觉唔会好重味，对比Menu入边嘅蕃茄酱意大利粉或者黑松露味嘅意粉，呢款阔条意大利面个味偏向清新，有时出街食嘢食开太浓味想食返淡少少，呢款系一个唔错嘅选择。
冻柠蜜
每个套餐都会配嘢饮，例如有姜母茶同冻柠蜜，而呢杯冻柠蜜一啲都唔Hea，柠檬唔多唔少，三片啱啱好，唔会令到杯嘢太酸，而且仲有一片薄荷香叶调吓味。虽然系柠蜜，但系就有啲酸中带甜嘅感觉，非常好饮。
黑松露薯条
选用粗身嘅薯条，虽然个筒好似好细，但系份量其实都唔少，$30嚟讲，性价比唔错。我觉得薯条好食嘅一个关键就系够脆，如果上菜果阵已经摊冻咗就会变淋，冇晒口感，但同时又唔可以炸得太尽，搞到咬落去完全感受唔到薯粉。而呢个黑松露薯条炸嘅火候就啱啱好，咬落去脆身，配合味道好浓郁嘅黑松露酱，正！不过如果唔要酱就咁食薯条，其实味道都已经非常唔错。
最后都想讲吓呢间餐厅嘅环境，周末嘅下午茶时间唔算特别多人，灯光偏暗比较柔和，而且餐厅餐厅入边播放一啲比较柔和嘅音乐，唔会特别抢耳觉得好嘈。如果周末想一个人轻松一下又或者同朋友仔出嚟倾吓偈食吓嘢，呢间餐厅都系一个唔错嘅地方。
张贴
