影片
更多
2024-09-13
205 浏览
《OX Steak Lounge - 大埔》星期一屋企无煮饭，咁就不如带屋企人出去食晚餐啦😎大埔前排开左间门面好英伦风既扒房，成间野都蓝色的，睇落好高贵嘅感觉，次次行过都好想入去望吓，今次一于趁出咗粮请屋企人食餐好嘅💸我同妈咪两个一人叫咗一个套餐，叫左一个set Dinner $398 同埋Tasting Dinner $598，两仲套餐都包左前菜、餐汤、面包、主食同餐饮，而tasting dinner 仲送埋甜品添😆唔好睇少呢两个餐，份量都几多下，我同妈咪最后都食唔晒呢💁🏻♀️Set Dinner🔹前菜 - 烟三文鱼沙律配蜜糖芥末酱前菜嘅沙律食落好清新，酱汁系味道带甜嘅蜜糖芥末酱，再配上咸香味十足既烟三文鱼片，个人觉得佢用既车厘茄同橄榄都几爽口，十分开胃🔹面包 - 自家制牛骨髓牛油包及牛肝菌野菌忌廉汤基本上每款套餐都会包左呢个牛骨髓牛油包，有别于平时食到嘅牛骨髓油香，佢反而似系劲重牛味牛油🧈十分creamy，配上意大利既酸种面包，连埋一齐可以用黎点餐汤食，香气扑鼻🤓而个野菌忌廉汤食得出系用上大量菇菌烹调，食到粒粒既菇肉，喜欢磨菇汤的话一定好喜欢呢个汤🔹主菜 - 香煎澳洲PR级草饲肉眼
星期一屋企无煮饭，咁就不如带屋企人出去食晚餐啦😎大埔前排开左间门面好英伦风既扒房，成间野都蓝色的，睇落好高贵嘅感觉，次次行过都好想入去望吓，今次一于趁出咗粮请屋企人食餐好嘅💸我同妈咪两个一人叫咗一个套餐，叫左一个set Dinner $398 同埋Tasting Dinner $598，两仲套餐都包左前菜、餐汤、面包、主食同餐饮，而tasting dinner 仲送埋甜品添😆唔好睇少呢两个餐，份量都几多下，我同妈咪最后都食唔晒呢
💁🏻♀️Set Dinner🔹前菜 - 烟三文鱼沙律配蜜糖芥末酱
前菜嘅沙律食落好清新，酱汁系味道带甜嘅蜜糖芥末酱，再配上咸香味十足既烟三文鱼片，个人觉得佢用既车厘茄同橄榄都几爽口，十分开胃🔹面包 - 自家制牛骨髓牛油包及牛肝菌野菌忌廉汤
基本上每款套餐都会包左呢个牛骨髓牛油包，有别于平时食到嘅牛骨髓油香，佢反而似系劲重牛味牛油🧈十分creamy，配上意大利既酸种面包，连埋一齐可以用黎点餐汤食，香气扑鼻🤓而个野菌忌廉汤食得出系用上大量菇菌烹调，食到粒粒既菇肉，喜欢磨菇汤的话一定好喜欢呢个汤🔹主菜 - 香煎澳洲PR级草饲肉眼
妈咪叫左牛扒做主菜，order 左七成熟，食落会相对有质感少少，筋膜位置肉味香浓，配上原个焗香既蒜头🧄可以用叉撩出啲蒜头肉再当抹酱咁搽落牛扒度食👍🏻我发现左新食法呢😏💁🏻♀️Tasting Dinner
🔹前菜 - 自家制生牛肉他他
呢个生牛肉他他卖相好靓好吸引，食之前可以将伴碟既鹌鹑蛋捞匀落牛他他入面, 食落口感会更加细滑，牛他他入面应该放左Ｄ甜洋葱同红椒，可以点埋黑醋一齐食，口感偏甜，如果可以有饼干配就好啦，味道一定好合拍🔹面包 - 自家制牛骨髓牛油包及龙虾浓汤
个牛油包其实同set dinner 既系一样的，我就用佢黎点龙虾汤，Ｄ面包嗦左汤之后更加浓郁，牛骨髓牛油溶左落个汤度之后连个汤都会多左阵牛肉味，好饮
🔹主菜 - 黑松露鹅肝威灵顿牛柳
坊间食威灵顿牛扒一向都比较贵，呢一度只需惠顾五百几既Set就可以食得到，性价比算高的。唔好睇佢得拳头咁大个，其实好有份量的，入面系件好厚既牛柳，夹住左原件肥美既鹅肝，油香十足，酥皮切开左之后黑松露既香气会慢慢透出，牛柳处理得都好好无渗血水，唯一可以complaint 既系如果把刀再利少少就好啦，相信可以一刀将牛扒切到底，再一啖食到所有食材！推荐！！🔹甜品 - 比利时朱古力心太软
最后甜品我地拣左心太软作结尾，即叫即整，所以送到上枱时个心太软都仲系热辣辣的，切开有流心效果，食落唔算好甜，可以点埋个草莓酱一齐食解腻，食埋个甜品后呢一餐真系好满足
张贴
