影片
更多
2021-03-01
161 浏览
估唔到喺大埔都会揾到食物高质精致、装修又靓嘅法国菜，可以同男朋友嚟拍拖食下好嘢☺️自家制蟹饼炸得香脆，上面有一梳梳蟹肉同鱼籽非常吸引，蟹饼入面好足料所以食落比较实，忌廉汁加咗洋葱几香，柠檬味可以更加出～法国苏菲亚生蚝大只又肥美，不过唔够海水或者鲜甜味，唧柠檬汁之外要配埋蕃茄莎莎酱。南瓜忌廉汤上菜时微暖，口感香滑好creamy，蒜蓉包亦好香脆～蟹肉扁意粉非常惹味，除咗辣椒粒嘅微辣外仲有蒜片同罗勒嘅香味，味道均匀沾满每条意粉，蟹肉份量多每啖都食到，另外仲有蘑菇片食落更丰富。慢煮黑毛猪鞍烤得好靓，调味同生熟程度都恰到好处，厚肉得嚟非常软腍易切，配上焦糖苹果片同苹果蓉好夹，伴碟嘅系紫薯蓉够晒特色，觉得多啲焦糖苹果酱会更正！最后嘅甜品虽然配搭简单但摆盘好有心思，雪糕系好少食到嘅开心果味，Macaron就好香云呢拿杏仁味，食饱饮埋杯酒真系好满足呢！
自家制蟹饼炸得香脆，上面有一梳梳蟹肉同鱼籽非常吸引，蟹饼入面好足料所以食落比较实，忌廉汁加咗洋葱几香，柠檬味可以更加出～
法国苏菲亚生蚝大只又肥美，不过唔够海水或者鲜甜味，唧柠檬汁之外要配埋蕃茄莎莎酱。
南瓜忌廉汤上菜时微暖，口感香滑好creamy，蒜蓉包亦好香脆～
蟹肉扁意粉非常惹味，除咗辣椒粒嘅微辣外仲有蒜片同罗勒嘅香味，味道均匀沾满每条意粉，蟹肉份量多每啖都食到，另外仲有蘑菇片食落更丰富。
慢煮黑毛猪鞍烤得好靓，调味同生熟程度都恰到好处，厚肉得嚟非常软腍易切，配上焦糖苹果片同苹果蓉好夹，伴碟嘅系紫薯蓉够晒特色，觉得多啲焦糖苹果酱会更正！
最后嘅甜品虽然配搭简单但摆盘好有心思，雪糕系好少食到嘅开心果味，Macaron就好香云呢拿杏仁味，食饱饮埋杯酒真系好满足呢！
张贴
