廚十三老壇酸菜魚 (渣甸街) (已結業)

系香港都可以食到一流既酸菜鱼，享受酸辣口感。餐厅环境阔落干净，座位之间有好大既走廊，而且2个人都可以坐到一大张卡位枱，大玻璃令餐厅光亮，而且好high class既feel。𩠌菜名亦都唔简单，改得好搞笑但又名副其实。叫左酸菜鱼小份($338)，上上签($88)，隔壁小孩馋哭了($78)，老虎椒爱松花蛋($68)，雨露均沾($48)。酸菜鱼大大盘送上黎，鲈鱼肉好滑好大块，酸菜爽脆，而且小辣既汤开胃，一开始唔觉辣，食食下就辣味开始出。自己可以加配料，叫左金针菇，宽粉。2款配料都可以吸哂d汤，宽粉厚厚地，带d烟韧既口感。而且份量非常多，食极个底仲有好多配料。冷锅串串系川菜好出名既小食，将食材串起，放入麻辣汤底，食落口冰冰凉凉咁，唔油腻。有莲藕片，海带，青荀，鹌鹑蛋，去骨鸡爪，椰菜花等，洒上大量芝麻。第一啖食，唔辣，但之后，条脷及嘴唇就开始有麻痺既感觉，好过瘾，愈食愈上瘾。侍应帮手将猪油渣及椰菜炒均，因为钟意食脆身d既椰菜，所以侍应好贴心问想食脆/软身既椰菜。加入猪油炒香既椰菜色泽好光鲜，而且阵阵香油味。椰菜即场煮，所以热辣辣好暖。松花蛋即系皮蛋，老虎椒切条，摆盘有心思。味道唔辣，皮蛋晶莹，仲